LA DICTADURA DE LOS MERCAOS

Tamos ya a cinco dis de la mal llamá democracia española. Una democracia que nel momentu de so, fue mui importante y un pasu mui grande, pero que se quedó neso, un pasu nel pasáu qu'apenes evolucinó y si ye qu'evolucionó'l sistema democráticu, fue p'apoyar a l'alta clas.  Actualmente n'España gobiernen los grandes bancos, tenemos una dictadura de los mercaos, que la dirixe Miguel Ánxel Fernández (gobernaor del Bancu d'España) y que más arriba tien l'apoyu del FMI.

Miguel Ánxel Fernández

Durante estos años yera too mui guapo nos países desarrollaos onde tol mundiu vivía d'un mou perbuenu y tol mundiu taba a favor del capitalismu que tanto dio a los países desarrollaos mientres aplastábemos con miseria y fame a los países qu'algunos llamen del tercer mundiu, pero que tan nesti mundiu,  tan a la vuelta la esquina y cuando yos tires una piedra duel-yos tanto como a nos. Pero claru, cuando entramos en crisis ahí olvidámonos de que tamién fue crea pol mesmu capitalismu, pola mesma derecha internacional que tantes cases nos dio a algunos y que n'España la xestionó un gobiernu d'izquierdes con polítiques de dereches que yos pusu en bandexa una porte trasera del trabayu a cinco millones de persones, ente elles les d'ARCELOR, DAORJE, DURO FELGUERA O RTPA. 
Esta crisis ye verdá que la tan pasando tolos países mundiales con sistemes capitalistes, pero nun hai que dexase engañar cuando nos dicen que los 5 MILLONES DE PARAOS vienen de fuera y que vivimos por enriba de les posibilidaes de nos, cuando el 63% de la población cobra menos de 1.000 Euros y la verdá ye difícil con mil euros vivir por debaxo les nueses posibilidaes.  Pero llueu fixo que nos manden apretar el cinturón pa salvar los bancos, porque eso ye'l futuru, cuando tamos viendo que los verdaderos causantes de la crisis son los mercaos y éstos vienen dirixios polos bancos.
 Nesti tiempu los dos grandes partíos vienen lluchando polo mesmo, pegándose pa ver quien instala más rápidu y con más fuerza'l neoliberalismo n'España; faen especulaciones financieres, roben a la democracia,  faen recortes sociales, privaticen los servicios públicos, baxen los impuestos a los ricos, privaticen les caxes.. nun faen más que mandanos apretar el cinturón pero ellos.....
- Aznar cobra 200.000 Euros- Felipe Gonzáles cobra 126.500 Euros (Los dos trabayando pa empreses priváes, que yos dieron muncho auge mientras estos gobernaben)
Pero cuando se plantea acabar colos sueldos vitalicios, el PP y el PSOE rechácenlo.
- A Botín encontraron-y 2 millones d'Euros en Suiza. Non recibió ni apenes una alvertencia, simplemente que trayese'l dineru de vuelta. El banqueru con más perres d'España ta pagando impuestos en Suiza y llueu tengo qu'apretar yo'l cinturón pa dai un tantu por cientu d'IVA d'un sueldu ignorante.

- Actualmente sábese qu'en Xibraltar, paraísu fiscal español, con 30.000 habitantes tien 80.000 empreses. 

Vuelvo a repetir una frase que puse fai unos dis y que presto-y a dalguna xente.

 Hai xente que nun-y val el cinturón y manda a los demás que lu apreten.