UN MENSAXE MUI LLIBERAL

Otru añu más el xefe l'estáu español, escoyíu a deu, nos felicitó les navidaes. Esti añu quixo felicitanos les xunto con Zapateru y Raxoy, a los que yos dedicó una foto na parte derecha de la pantalla dexando escondía  la suxetividá que debería tener la casa real, ya inclinándose nuna postura neolliberal que n'España dexónos 5 millones de paraos y qu'acabaron con unos proyeutos de democracia participativa  y de polítiques públiques.



Uno de los temes del discursu, fue l'estáu de les families que peor lo tan pasando n'España. Xuan Carlos pidió que nestos momentos tan duros hai qu'apretase´l cinturón y intentar aprender de los nuesos errores. Yo creo que los que tan solventemente mal nun son los que tienen los errores si non tolo contrario, son los que paguen los errores de los qu'especulen sin tener ni idea, o aun teniéndola nun yos da más el restu de la xente. El rei nun quixo facenos ver que tamos nesta crisis pol culpa de les polítiques neolliberales, les polítiques especuladores de los mercaos, aun así quixo facenos pensar que somos nosotros los que tenemos que solucionala a base de reducinos sueldos. Pero ye fácil pidir un esfuerzu cuando la casa real tien 8.6 millones de presupuestu y un total de 25 millones  incluyendo gastos de desplazamientu, mantenimientu de bienes, muebles e inmuebles, mantenimientu de los 60 vehículos oficiales, los viaxes al estranxeru...

Otru tema fue la xusticia, obligáu práuticamente a causa del caso Urdangarín.  El rei díxonos que la xusticia ye igual pa tool mundiu, algo que yo apoyo en conteníu  y que debería ponese en marcha inmediato, porque nun creo que sea asina. Urdangarín lleva 5 años siendo investigáu, y en 2006 la Casa Real ya mandó apartase a Urdangarín de les actividaes axenes a la Casa, polo qu'insinuo que daqué sabía, pero Iñaki continuo con estes dos años más. Güei Urdangarín sigue sin tar totalmente imputáu. ¿de verdá la xusticia ye igual pa toos?
Pero qu'esperamos d'Iñaki, un déspota por naturaleza, quenun encuentro benéficu con Empresa y Discapacidá, se negó a dir nun principiu, por nun contar con nenguna empresa personal nel proyeutu, vamos, por nun obtener nengún beneficiu.

Pa finalizar faló del so fíu Felipe, faciendo una clara propaganda del herederu de so. polo visto nel futuru seguiremos sin poder escoyer al nuesu xefe d'estáu, vamos que la Casa Real sigue sin apoyar la democracia real, y sigue defendiendo lo que fizo hasta güei: "Democracia sí, pero colos demás, a mi que nun me voten".

Pero lo peor de tool discursu ye que mientres se-y llenaba la boca falando de les polítiques neolliberales europes en negún momentu s'acordó de la xente que ta na calle por culpa d'unes polítiques mal feches que los llevaron a qu'un bancu acaparase la so casa que tantu trabayu yos taba costando pagar. 



Otra vegá más, el rei felicita a los que más tienen y escuende a la xente que nun tien navidaes.

UNA NUECHEBUENA SIN LLUCES

Lo primero dicir qu'estes navidaes como veis toi autualizando bastante poco, y  ye qu'escaseo de tiempu, intentaré autualizar lo máximo posible. Diba autualizar sobre los 20.000 menores de los que s'abusaron en Holanda pol coleutivu eclesiásticu pero como la xente que más me llee pidíome que falase del conceyu, que por ciertu nun ye la segunda vegá si non la cuarta y otru de les lluces de navidá, pues equí voi dar la mi opinión sobre'l tema.
Polo vistu hai qu'aforrar en Llaviana y la meyor manera y lo que más dio que falar sobre ello fue'l recorte de los adornos navideños. Pero ¿por qué nun s'aforro nes fiestes, por poner un exemplu nel conciertu Bustamante, onde tovía hai munchos convencíos que creen que salió rentable, cuando mas del ochenta por cientu de persones yeren xente de Llaviana que diben salir igual, y la xente que vieno de fuera na más terminar el conciertu marchó? o ¿por qué nun s'aforra nel sueldu del alcalde?, o neses cenes a muyeres "progresistes" sin sentíu nengún que nun sea'l de recaudar votos.. Dalgunos hosteleros ficieron un consensu pa poner del so bolsillu estes lluces, porque como esta xente nun-y afeuta la crisis...
Me paecería a lo meyor un poco meyor si esta política fuese la continuación d'un apretón de cinturones de toos y no de los de siempre. Y ya que toi quiero falar de la gala del deporte d'ayer. La verdá ye un privilexu que los deportistes de Llaviana sean reconocíos d'esta manera, pero de fai tres años p'acá los clubes deportivos esperen unes subvenciones que ya esti añu nun se convocaron y que paez que les anteriores nun se cobrarán, aún asina l'alcalde de Llaviana pidía ayer na gala que por favor nel 2012 hubiese los mesmo o más méritos deportivos qu'en 2011. Lo dexo nel aire caún que piense lo que quiera...

Feliz Navidá a toos y nun comáis muncho turrón.

25 ENTRAES, GRACIES

Son ya 25 les vegaes qu'autualicé dende que fici'l blog. La verdá, nun pensé que diba tener tanto auxe, y menos al facer un blog que critica práuticamente tolo que se mueve, por eso faigo güei esta entrá agredeciendo les más de 4300 visites que tengo ya nestos menos de dos meses, anque tamién ye verdá que ca vegá tengo menos.. jeje anque tengo dos seguidores que nun fallen nunca. De tos modos yo voi siguir autualizando, ca dos o tres díes como voi faciendo hasta agora e intentando facelo lo meyor posible dientro de lo que yo pueo, que tamién se que nun ye muncho.


Espero qu'a dalgunes persones yos preste esti blog, y espero que ca vegá tenga mas xente que me siga, ya bien sea a favor o en contra y que comente les entraes como se ta faciendo hasta agora.

 ¡Gracies a tolos que me seguís davezu!

CUANDO LA CULTURA YE VIOLENTA

La tauromaquia ye una forma de "cultura" con la que nos esponemos al restu del mundiu, y ye qu'hai xente a la que-y presta que seamos reconocíos pol restu  pola nuesa cultura taurina, y yo nun ye que t'en contra de la cultura, ye que paezme obsoleto que nel sieglu XXI la cultura del mio país nun avanzara, igual qu'avanzó nel restu de países: o alguien s'imaxina ver a dos gladiadores en Roma lluchando contra un lleón. La cultura debería ser una transformación continua y permanente que güeye de cerca al futuru. 
Y ye que nun pue ser cultura un negociu denigrante que trafica con la tortura y la crueldá. Les corríes constituyen un crimen, un asesinatu a sueldu onde se martiriza hasta morrer a un animal, ensalzándose los bolsillos de los empresarios taurinos o de los toreros.
Nos vienden el mundiu taurín como un autu llegal amparáu nuna tradición, pero ¿de verdá queremos que se nos vea asina pol restu del mundu? o ¿ habrá qu'abolir dalguna tradición que no respete a los animales? ¿alguien s'imaxina que la tradición fuese con perros, y que tol mundiu fosemos a ver como un paisanu con un xamoneru mata a milenta perros nun anfiteatru? Pues ye aproximao, ye algo inmoral, antiético e impropio d'una clas humana "avanzá y desarrollá". 

Agora'l rechazu n'España ca vegá ye mayor, el 70% de los españoles nun muestren interés poles corríes de toros y tras la prohibición d'éstes en Canaries en 1991, 20 años dempués aboliéronse en Cataluña, esperemos que poco a poco s'estienda per España entera.

Al añu, 550 millones d'euros van destinaos en forma de subvenciones al mundiu del maltratu taurín, y tienen como destín 10.000 toros que muerren al añu, solo en corríes, pero tamién hai que falar sobre dalgunes fiestes populares que son inclusu peor.

Nel Escorial (Madrid) atraviésense a bebes de toros con llances mientres la xente disfruta y xalea como si yos tocare la llotería.

 En Castellón, Tarragona, Teruel y Soria fáense los toros de fueu: meten al toro durante díes nun caxón sin comía, ni agua y llegáu'l momentu suelten al toro con una bola de fueu nos cuernos. 

 En Denia y otros llaos d'Alicante acaben la fiesta colos toros nel mar.

 En Valladolis y Guadalajara persiguense a los toros con tractores y touterrenos, mientras tantu tÍrense-yos piedres y atropellense. Al final executenlos con lances, piedres o cuchillos.

Esta ye la realidá de la "cultura" taurina. Vamos a entamar a enprender un viaxe cultural, ya non hasta el sieglu XX, si non hasta el XIX y abolir d'una vez por toes la violencia animal, porque por enriba de la cultura y la fiesta ta la dignidá,y matando animales a piedrazos como los cromañones nun demostramos tenela y más enriba tovía tan los animales que nun merecen que naide se ría d'ellos d'esta manera. 

UNA HISTORIA SOCIALISTA

 Fai ya práuticamente un añu de les inundaciones de Venezuela, qu'a causa de les lluvies e inundaciones, dexaron 35 muertos y cerca de 130.000 desplazaos. Si Georges Bush, fuera presidente de Venezuela los desplazaos iríen llevaos a punta de pistola hacia los campos de prisión (el Superdomo) como fueron desplazaos nel Huracán Katrina, pero como yera Hugo Chávez fizo unes leyes especiales potenciadores d'ayuda d'emerxencia y vivienda a les víctimes de les inundaciones. Llueu, Chávez salió del palaciu presidencial y conviertiolu en vivienda de 60 persones. ¿Qué presidente de los que llamamos coherentes y del primer mundiu haría esto? ¿Quién s'imaxina la casa blanca llena d'indixentes? o ¿ qué fue de los afeutaos en Lorca? La primera semana tuvo un auxe tremendu, los políticos salíen pola tele diciendo tolo que diben facer p'ayudalos, pero un añu más tarde la xente siguen sin presente ni futuru nengunu. Les families venezolanes fueron bien alimentaes y atendíes hasta que reconstruyeron la so vida, pero ¿a qué naide nunca oyó esto pela tele o pola prensa? Los esfuerzos de Chávez pasen desavertíos polos medios de comunicación, solo sabemos de Chávez que ye "un dictador", cosa falsa, ya qu'allí'l xefe d'estáu ye elexiu democráticamente, y n'España, non (Esto ye solo un expemplu, de toles maneres ya falaré de les democracies mundiales otru día)  y rehusamos de que reduxo la brecha d'ingresos (ya fale de la española esta semana), eliminó l'analfabetismu, proporcionó sanidá gratuita a los venezolanos, reduxo la desigualdá ... Mientres que los países "civilizaos" estendimos les nueses guerres nel estranxeru y presionamos pa estender les reduciones fiscales pa los más ricos.

En Concretu EEUU detesta a Chávez porque nun ta dispuestu a entregar los bastos recursos naturales de Venezuela a élites banqueres. Esa ye la razón pola que l'alministración Bush, intentó deponer a Chávez mediante un fallíu golpe d'estáu en 2002, la mesma pola qu'Obama sigue llanzando ataques encubiertos contra Chávez, queriendo encabezar l'estáu venezolanu por una marioneta que ceda'l petróleo a los americanos. 

Agora, con Wikileaks, muestra como Obama aumentó la so intromisión en los asuntos internos venezolanos. Como son munches fueyes, voi poner dalgunes frases que me paecen intolerantes de l'axencia secreta del país más desarrolláu del mundiu.

-  "Debemos implementar para llimitar la influencia de Chávez y restablecer el lideradgu estadounidense na rexón".

-  "Tenemos que conocer al enemigu (Chávez) y cuáles son sos intenciones..."

-  "Ciertamente podemos "encarganos" d'él."

-  " En Venezuela, los Estaos Uníos vienen apoyando a grupos anti-Chávez  durante más de 8 años, incluyendo aquellos qu'executaron el golpe contra'l presidente Hugo Chávez."

- "En 2010  enviaronse más de $40 millones a grupos anti-Chávez, la mayoría a través de grupos estadounidenses.."

Fai menos d'un añu, el gobiernu de Chávez, aprobó una nueva llei que define a la banca como una industria de serviciu públicu qu'obliga a los bancos en Venezuela a contribuir a los programas sociales y amás Chávez afirmó qu'espropiaría cualquier bancu que fallare: "Al primer bancu que falle.. expropiolu, así sea'l Bancu Provincial o el Banesto".  Pues igual qu'aquí, que donamos dineru a los bancos pa que vuelvan a quebrar y echanos a la ruina. Porque en Venezuela les necesidaes de los trabayaores van por delantre de los grandes bancos, y si eso ye una dictadura pues entós ¿qué tenemos aquí, a parte de una prepotencia de superioridá?

Dende aquí doi'l mio apoyu a Chávez  en la so llucha contra'l cáncer, y sobre too en la so llucha contra los grandes capitales financieros a favor del trabayaor, pero tamién quiero apoyar al sistema socialista que ta recorriendo latinoamérica, con grandes presidentes como Lula Da Silva, Evo Morales, Hugo Chávez, Felipe Correa....  o esos que tuviemos como Salvador Allende y que dexaron esi exemplu de llucha en llatinoamérica.


¡QUE EL SOCIALISMO AVANZA YE UNA RELAIDÁ!¡ÁMERICA LLATINA LLIBRE!

DIFERENCIES SOCIALES

La desigualdá social n'España sigue siendo una de les mayores d'Europa. En  España la diferencia ente ricos y pobres ye la mayor de los últimos 30 años. N'época de bonanza económica y grandes avances eonómicos del país no solo no diminuyó esta diferencia si non qu'amás creó 5 millones de paraos.
L'ingresu mediu del 10% de los españoles meyor pagaos yera en 2008 y según los datos de la OCDE, de 38.000 euros, casi 12 veces más qu'el 10% que menos gana, que cobra alreor de 3.500 euros. Esto sin contar les riqueces fraudulentes ocultes de munchos de los grandes empresarios, 10 puntos por encima de Reinu Uníu y doblamos a Dinamarca y Suecia.

¿ Qué esperamos d'un país donde los ricos paguen  menos impuestos que los demás en función del so dineru?¿qu'esperamos d'un país con tantu eleváu fraude fiscal? ¿ Pensamos que la izquierda europea ta faciendo daqué pa combatir esto? El PSOE tubo faciendo lo mesmo que va facer agora'l PP, siguir el modelu económicu que tanta desigualdá ta xenerando en los países "menos potentes" d'Europa pa intentar alcanzar al restu, cosa que solo se pùe consiguir a base de lo que fizo'l PSOE na última llexislatura, fastidiar la clas trabayadora y consiguir que los ricos sean ca vegá mas ricos.

La xente ca vegá quier aumentar más les sos riqueces sin tener nenguna piedá de la xente que nun tien ni pa comer, e incluso la xente que tien pocu dineru aspira a ser "multimillonaria" y non a intentar vivir y aumentar económicamente. Hai que lluchar poles prestaciones de los servicios públicos, y gratuitos y d'alta calidá, como la educación, la salú y l'atención familiar, esa ye la manera de lluchar pola igualdá social. Necesitamos xenerar puestos de trabayu con perspectives a futuru pa que la xente de verdá puea permitise adientrase nun futuru familiar y acabar con la pobreza. Los ricos deben de pagar más impuestos que los pobres y non como na actualidá que se paga  incluso menos y aun así tovía sumerxen la economía pa nun pagar impuestos. 



Lo que nun ye normal ye pagar los mesmo impuestos por una barra pan que por "una botella de vinu del 36", porque hai coses necesaries pa vivir, o que'l trasporte públicu te cueste 1,30 pa caminar 2 km. Nun pue aumentar el trasporte públicu a la mesma vegá qu'aumenta'l preciu del carburante. Debería ser a la inversa. Pero aun así tovía me dicen cuando falo d'esto pola cai, que soi un marxista que s'estancó en la revolución francesa por siguir pensando que vivimos con diferencia de clases. Pues serélo, porque habiendo xente como Botín (por poner un exemplu) que cobra más del dos millones por cientu del  mio sueldu, pues si sinceramente creo qu'hai diferencia de clases.

CAPITALISMU VS DEMOCRACIA

Quería falar sobre'l conflictu y la pelea que tan teniendo actualmente y durante too la llargas vida del capitalismu,  una democracia agachá contra un fuerte y robustu capitalismu.
Uno de los exemplos más vistosos ye'l de  los Estaos Uníos, que con la so prepotencia mundial, disfrazá una "democracia" pa controlar a base de destrozos antidemocráticos al resto del mundiu col fin d'aumentar favorablemente la so potencia económica, col fin d'aumentar el capitalismu.

Alex Stubb, ministru europeu.

Pero nun fai falta cruzar el charcu pa ver la rivalidá ente capitalismu y democracia, n'Europa tamos viendo como les instituciones financieres y los grandes inversores cómense a los gobiernos de les naciones. Nun hai más que güeyar a Italia o Grecia que n'acualidá tan gobernaes por tecnócrates financieros.
L'otru día Alex Stubb, ministru d'Europa, y políticu de partíu ulraderechista finladés, dixo que " la eurozona debía ser dirixía simplemente polos países con deuda AAA (6) dexando de llau a los once países restantes.
Lo que propón Stubb, ye daqué que fue abolío ya  n'España a finales del sieglu XIX, onde  la soberanía yera censitaria y solo podíen votar aquellos que tubiesen perres pa pagar un censu. En resumíes VOTO = EURO. Ye fácil dicir eso cuando un cobra sueldos que multipliquen por muncho'l sueldu mediu español, simplemente por dicir babayaes  en contra del trabayaor y ye que paez que tras los intentos fracasaos d'Hitler y de Napoleón , Standard & poor's va ser la primera en conquistar Europa al completu.


Lo que ta claro ye que'l capitalismu y la democracia nun son compatibles y qu'esti pulsu entre ambos, nun solo va rumbo a favor del capitalismu si no qu'amás la democracia cada vez acusa más la fatiga en beneficiu d'un brazu culturizau y hipertrofiau del capitalismu. ¿De verdá ye esto lo que queremos..? ¿Qué preferimos?

UNA CONSTITUCIÓN SIN AVANCE ALGÚN.

Nuestra constitución de 1978 cumple años güei. Una constitución que muncha xente apoyó en su momento, como un metodo de transición y  que güei paez tovía eso, un metodu de transición que cumple años sin adaptase a la democracia. Hasta fae dos díes, paecía incluso inmoral e imposible cambiar la constitución. Una constitución llena de contradiciones, como que somos toos iguales ante la llei, sin prevalecer el nacimientu, la raza, el sexu, la relixión, la opinión.... y llueu unes paxines dempués dinos que la Corona de España ye hereditaria al primoxenitu mas cercanu siempre que sea varón. Comu siempre a la Corona nun-y afecten les leyes por igual; o que l'estau ye aconfesional, sin embargu, l'estau aporta los sueldos a los profesores de relixión NA ENSEÑANZA PÚBLICA, o suvenciona a colexios concertaos (pufos estatales) que llueu t'obliguen a dar relixión y que enriba dalgunos escueyen al alumnao aún teniendo parte de presupuestu públicu. Polítiques aprovaes por  to los gobiernos que hasta agora gobernaron n'España, y que davezu protesten por los recortes n'educación.
Pero como decía lo que hasta agora paecía inamobible por los españoles, en quince díes fue modificao por la elegantísima y recta Merkel, unos cambios que nun siervieron pa ningún beneficiu del estáu, y menos tovia en beneficiu de los españoles, pero si que tubo beneficios en la oficina del INEM, que ye la única institución de España que xenera empleu, y amás a pasos xigantescos.  Y ye que fae apenes cinco meses al gobiernu llenabase-y la boca al falar de la necesidá de introducir modificaciones na Constitución, unes reformes que se ficieron en contra del trabayaor, pero fae un añu, catalogabenlo de imposible cuando los Vascos y los Catalanes pedíen un referendum. (nun digo con esto que te a favor de lo que planteaben estos "planes"), pero tamién se cataloga de imposible en una democracia, el facer un referémdum que munchos piden(porque el "gobiernu de izquierdas" y su covardía a la perdida de votos nun se atreven) pa escoyer al xefe del estáu, o pa abolir cualquier contactu entte la relixión y el estáu.  Sin embargu falase mui a menudo de la falsedá del estáu venezolanu, o la estafa electoral, pero que queremos esperar d'una prensa con seguidismo partidista oculta.


Pero esto nun son más que dalgunos cambios que necesita la constitución, que ye un bien en sí mesmu, pero que necesita una conuidá que ye necesaria a base de reformes tranquiles, que los gobiernos liberales nun quieren aportar.

POR LO TANTO GÚEY YO NUN CELEBRO NADA

Quiero recordar que la constitución prohibe cualquier símbolu franquista pero sin embargu  tolos domingos nel fubol vemos, millones de símbolos violentos, franquistas y fascistas  y les fuerces del estáu nun mueven un deu, pero si se fizo un una investigación a fondo cuando unos chabales quemaron fotografies del rei porque yera anticonstitucional. Tan mal ta uno como otro. A ver cuando les fuerces del estáu empiecen a tratanos a toos por igual y dexen de tener mieu a dalgunes persones y de nun  ser igual de profesionales, con unos como con otros.

LLEI "SINDE-RECHOS"

Güei toca escribir d'una de les leyes que más dieron que falar na rede. La llei Sinde, una de les leyes con menos apoyu popular de la hestoria, aprovarase nel congresu col apoyu de los tres grupos parlamentarios más representativos (PSOE-PP-CiU) contando con 323 votos a favor y solo 19 en contra, del restu de partíos minoritarios en escaños. Agora entamen los problemes de "la perdida de votos" y como los partíos mayoritarios gobiernen pa tener votos  y no pa mirar polos ciudadanos, pues agora entamen a tener mieu de aceutala, anque nesti casu, oxalá nun salga palantre. Esti problema de "la perdida de votos" nun ye la primera vegá que lo fai'l PSOE, que tien mieu a zanjar d'una vegá'l tema relixosu por perder dalgunos votos, anque llueu mostrase reaciu a ello.
Pero continuo con la llei Sinde, llei pola cuál quieren proivinos la descarga d'interné de cualquier productu que tenga derechu d'autor. Los autores son trabayaores, y neso tamos tos d'acuerdu, y tienen derechu a vivir del trabayu de so con nueves idees, pero p'ello necesiten  NUEVOS MODELOS DE NEGOCIU y actividaes asociaes a les sos creaciones. Al igual que'l restu de sectores tuvieron qu'adecuase a la evolución del nuevu mundiu y del avance de la humanidá, estos deberíen facer lo mesmo, porque como dixo Alex de la Iglesia, "interné nun ye'l futuru, ye'l presente". Tienen que trabayar faciendo alternatives que s'adecúen a los nuevos usos sociales, y non limitanos los nuesos derechos (Derechu de privacidá, la seguridá, la presunción d'inocencia, la tutela xudicial y la llibertá d'espresión)  col fin de ganase la vida y yo se qu'hai dalgunos autores musicales que non necesiten llorar pa ganase la vida, el que non valga, que recueya un monu y que se ponga a trabayar poniendo bordillu, ¿d'acuerdu Ramoncín?, o vas a ponete a danos tú clases morales y étiques cola  pila perres que robasti a los tos compañeros, dempués d'haber tar lluchando por ellos tanto tiempu. Amás interné nun pue tar controlao por asociaciones polítiques ni por gobiernos, interné ye llibre.

Esto son solo algunes aportaciones de por qué nun se pue llevar acabu la llei Sinde, y me gustaría tamién, a lo meyor falo otru día d'ello, que s'entamase a protestar pol Canon, uno de les leyes más lladrones y capitalistes del mundiu, cobrándote un impuestu destináu a una empresa privá. BRAVO eses polítiques d'izquierdes.  

Tamién quiero dar dende aquí el mio apoyu a DAVID BRAVO, abogau especialista la propiedá inteleutual  y derechu informáticu. Tien unos videos en interné sobre la SGAE mui buenos.

EL "PARÓN" XUVENIL

Creo que ya fai díes que tenía que falar de los xovenes disti país, que siendo la xeneración más preprará de la historia, va ser la primera dende fai muncho, que va vivir peor que la xeneración anterior.

N'España la tasa de paro ta penriba del 45% y n'Asturies duplicamos la tasa de la Unión Europea; teniendo una tasa de paro de menores de 25 años del 50%, mientres qu'en Europa apenes tienen el 20%. En Alemania o en Holanda nun lleguen al 9 %.

  Pero non solo eso, si non que 9 de cada 10 contratos son temporales.
Como siempre nosotros a la cola del mundiu.        

             



Aquí vos dexo unes semeyes qu'indiquen como funcionamos los xovenes:

 Y ya toi fartu d'oir, que somos una xeneración que nun quier trabayar, que nun quier estudiar. Ya ta bien por favor, SOMOS LA XENERACIÓN MÁS PREPARÁ DE LA HISTORIA, y el 50 por cientu nun pue trabayar, eso nun ye manera de llevantar los ánimos a les futures xeneraciones pa que sigan estudiando, vamos ser realistes.
Si les persones menores de 35 años s'emancipasen, más de la mitá seríen pobres.