MENUDU "BOTÍN"

Nesti blog, faltaba falar un poco de la crisis y taba esperando'l momentu, y entos mismu de lleer güey pela mañana el periodicu dime cuenta que yera´l momentu.
Por lo vistu al gobiernu, por llamalo d'alguna manera, olvidose-y poner daques normes a la hora de inyeuta-yos los más o menos 30.000 millones de Euros, que pa que vos fagais una idea en ceros ye asina: 30.000.000.000.
El casu ye que güey salió na presa que les quince entidaes financieres más grandes d'España, compuestes por  seis bancos y nueve caxes,  duplicaron el sueldu de los conseyeros en proporción al so beneficiu nos últimos seis años.

Pero pa que vos fagais una idea voi poner daque datos.
Nes caxes, que cayeron nesti periodu de tiempu un 7%, la remuneración de los conseyeros aumentó un 80%.
Falando de bancos la remineración media de los altos cargos subió un 52% y los beneficios fueron d'un 46%.
Hai tamién d'algún datu concretu que impresiona como nel casu de la Caja de Ahorros del Mediterraneo (CAM) que s'elevó el beneficiu de so un 3%, mientras la remuneración media de la cúpula aumentaba un 94% y la del conseyeru un 542%.

Caja de Ahorros del Mediterráneo (CAM) elevó su beneficio un 3 %, y la remuneración media de su cúpula, un 94 %Solo la retribución del consejo se incrementó el 542 %.

Per otru llau la CatalunyaCaixa, beneficiose un 53%, pero la remuneración media recibía pe la alta direción esguiló hasta el 93%. 

 Nel casu de Bankia y Banca Cívica, que recibieron ayudes públiques pol importe de 4.465.000.000 y 977.000.000 d'Euros y póngolo en ceros pa que paeza lo que ye, aprovecharon la so conversión de caxes  a bancos pa multiplicar per más de dos les remuneraciones de sos. 

Quexámonos de que hai crisis y a la misma vegá regalamos el dineru sin condición ninguna a cinco banqueros que ta mas que demostrao que lleven la corrución nes venes. Que menos que fixar un llímite xeneral pa les remuneraciones de conseyeros y altes direciones en función del porcentaxe máximu de beneficios.